TSY NY HATSARAN-TAREHY... (Fredy Jaofera)

TSY NY HATSARAN-TAREHY…



Tsy ny hatsaran-tarehy
no tena zava-dehibe
fa ny hatsaram-panahy
ho an’ireo ‘zay manahy.



Tsy ny hatsaran-tarehy
no ilaina ho fatratra re
fa ny hatsaram-pisainana
lavitry ireo fitarainana.



Tsy ny hatsaran-tarehy
no tokony hezahina be
fa ny hatsaram-pahaizana,
rehefa tsy tiana hanaizana.



Tsy ny hatsaran-tarehy
no antoka lava sy handeha
fa ny hatsaram-piezahana
tsy mbola hita mibahana.





Fredy JAOFERA


.
--------