TSY NY SISASISAM-BOLA (Fredy Jaofera)

TSY NY SISASISAM-BOLA…






Tsy ny sisasisam-bola
no ataoko rakitra,
ry Tompo be fitia,
fa ny mety sy ny mbola
mahay mandrafitra
ny marina ho doria.




Tsy ny sisasisam-bola
no ataoko saotra
ho voninahitrao
fa izay voavolavola,
na ho tafahoatra
no mba latsaka ao !




Tsy ny sisasisam-bola
no ataoko sitraka
sy vokatry ny fo
fa ny masina tsy tola
lavitry ny fitaka
sady manan-jo !






Fredy JAOFERA
--------