TSY TONGA DIA AZO (Fredy Jaofera)
Pas encore lu
(Nalaina tao amin'ny vetso.serasera.org)
TSY TONGA DIA AZO Tsy tonga dia azo
ny ela nivavahana
fa ny raozy nalazo
vao avy nisahana.
Tsy tonga dia azo
ny zava-nikirizana
fa nilaina ny vazo
rehefa namizana.
Tsy tonga dia azo
ny fahombiazana
fa niharan'ny tazo
vao indro tazana.
Tsy tonga dia azo
irony fandresena
fa nizaka, topazo,
vao toa novolena.
Fredy JAOFERA
--------
Lien:
Catégorie :
Fahatsiarovana - Fiaraha-monina - Fananarana - Eritreritra mandalo - Fiainana - Aingam-panahy
