VAKIBOKY (Fredy Jaofera)

Mbola tsisy niantsa

Hangataka antsa
(Nalaina tao amin'ny vetso.serasera.org)
VAKIBOKY





Ny vakiboky, varavarana
manokatra eto ny tontolo
hahazoana fampianarana
mampiova anao daholo.




Ny vakiboky, ranomasina
tetezan'ny onjam-piainana
tsaroana ho manan-kasina
sy mahatsara ny fisainana.




Ny vakiboky, fialam-boly
azo ambara mahafinaritra
tsy, sanatria, mamolivoly
no tsetsatsetsa tsy aritra !




Ny vakiboky, fahazavana,
na rahoviana na rahoviana ;
mahay mitory fahagagana
feno harena am-pitoniana.




Fredy JAOFERA
--------
Rohy:
324 0
Hevitra mandeha
ntmsskalove ( 23/04/2022 17:49)
tsara be 'lay izy, mahafinaritra
Hametraka hevitra
Midira aloha
Momba ny tononkalo
Mpanoratra : Fredy Jaofera
Nampiditra : 3004
Daty : 15/04/2022 19:36
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0102