You are here: home > Vetso

VAOVAO - Fredy Jaofera

Azo vakiana?



VAOVAO




Vaovao isa-maraina
ny risi-po ilaina
ka aza malaindaina.



Vaovao lalandava
ny toky vao mazava
ny andro ka mahasoava.



Vaovao am-pifaliana
ny vavaka irina
hivatsy fitahiana.



Vaovao feno hira
ny vetso an-dakira
no tsy mba misy mira.




Vaovao mandavataona
ny tsiky lavi-tsaona,
tsotra rehefa mihaona.




Fredy JAOFERA