VAOVAO MAHAFALY (Fredy Jaofera)
Mbola tsisy niantsa
(Nalaina tao amin'ny vetso.serasera.org)
VAOVAO MAHAFALY Vaovao mahafaly
no tonga amin'ny tany
ka indro miangaly
ny dera tsy hita lany.
Vaovao mahafaly
ambara ho famonjena
hanala irony jaly
mendrika ny hohosena.
Vaovao mahafaly
maharavo itony Mpino
hanova ny omaly
ho saotra ka hamasino.
Vaovao mahafaly
fa Mpanjaka no teraka
ka rehefa atontaly,
voninahitra tanteraka !
Fredy JAOFERA
--------
Rohy:
Sokajy :
Ahy - Fahatsiarovana - Fananarana - Fiaraha-monina - Eritreritra mandalo - Fiainana - Aingam-panahy - Fitiavana
