HO ANAO RY TOVOLAHY (harylovah)

Mbola tsisy niantsa

Hangataka antsa
(Nalaina tao amin'ny vetso.serasera.org)
Ianao, ry Tovolahy, bikaina sy tomady:
Nahoana no dia sahy, mahery setra loatra?
Ilay fitiavany iny, nitsahinao sahady,
'Zay mihamafana hatrany,manomboka mandroatra...

Ny ranomasony iny, moa azonao sotroina?
Ny fony feno ratra,oviana no hitony?
Ianao raha 'zay mandalo dia azonao baboina,
Fa izy tena tia, ka tsy hitia intsony...

Raha azonao atao ny hamerina ny lasa...
Iangaviako ianao, hamboatra izay nikoro.
Marin'io tsy lamba ka ho fotsy raha misasa,
Fa mety hanamaivana ny fony torotoro.

Kanefa aoka ihany, raha tohizanao ny ditra,
Sao mbola hampitombo ilay ady ao an-tsainy;
Ny ranomason'iny dia tsy maintsy mbola ho ritra.
Safidy ny fitiavany: Ny vokany zakainy...

Ho anao, ry Tovolahy, tomady sy bikaina...
Tsy lahatra ny toetra, fa azonao arindra.
Raha mbola hitia ianao, izao atao an-tsaina:
"Ny mihevitra ny hafa no tena tsara indrindra".

Harylovah(Jona 2011)
--------
Rohy:
Sokajy : Fitiavana
1680 0
Hevitra mandeha
harylovah ( 21/06/2011 11:04)
Ho anao, ry Tovolahy...Atolotra manokana ireo nandao ny olon-tiany.
milamm ( 06/07/2011 23:05)
nahoana marina moa no tsy mba naheno ny hafatra mirindra sy mendrika sy tonokalo mahafinaritra toy izao tsy maty ny kolotsainy haisoratra Malagasy
tohizo harylovah fa m'lay aoka ireo mantsofina hihaino, mankasitraka e
Hametraka hevitra
Midira aloha
Momba ny tononkalo
Mpanoratra : harylovah
Nampiditra : harylovah
Daty : 21/06/2011 11:00
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0103