Ny fo - harylovah

Azo vakiana?

Mahalala anao ny fo
Fa izy tsy mba fantatrao
Midongy toy ny manan-jo
Hoe azy izao rehetra izao.  

Mihantahanta feno kiry
Manonofy zava-poana
Maherisetra fitahiry
Irony lasana tsaroana.

Dia ranitinao ny saina
Mba hisivana ny ditrany
Fa mazàna miala maina
Tojo izato pitrapitrany

Ny aretin'io tsy fantatra
Fa manampoka, mandoro
Misitery sy ankamantatra
Sahisahy, mihorohoro.

Na izany na tsy izany
Safoy hitony rehefa taitra
Tairo koa raha mitomany
Hahay hisedra izay mafaitra.

#Harylovah

Mombamomba

Mpanoratra : harylovah

Nampiditra : harylovah
Daty : 08/02/2018
Mpamangy : 1131
Mankafy : 0

Tononkalo hafa

✹Aoka fo fantatrao✹
TSOTSOTRA IHANY
H A I K O I H A N Y
AVADIKO NY PEJY Avadiko
MANDAN'NY FOKO
TSY MAINTSY SEDRAIKO
AFA-PO
N E N Y
H A F A T R A
Fiononana