Sento (harylovah)
Mbola tsisy niantsa
(Nalaina tao amin'ny vetso.serasera.org)
SENTONy vorona, hono, raha lasa nandao
Tanjona aiza no mba hitodiany ?
Ny senton'ny foko 'zay manina anao
Aiza ny taratra mba hitsikiany ?
Fa maizina mantsy ny tany tontolo
Ny lanitro manga, indrisy, nimalo
Namindra ny tongotro, hay bobongolo
'Ty tany nodiaviko : be fahavalo !
Nefa mangina ry senton'ny foko
Mahaiza mitraka, fa fiainana izany
Mamokatra inona moa ny toloko ?
Tsy valin'ny tsiky manjary tomany ?
Ry senton'ny foko, mangina, mangina !
Ny vorona lasa ho tody ny akany
Ny tiana tsy tana tsy azo tsiniana
Marary ny foko matoa mitomany...
Harylovah [211296]
--------
Rohy:
Hevitra mandeha
hjravs
(
26/09/2016 13:50)
Tsy nanao tsianjery kosa,
fa 'lay kiry niavosa
no nentiny nianarana
mba tsy ho latsaka an-daharana.
Mankasitraka ny mpanoratra fa tsara be.
fa 'lay kiry niavosa
no nentiny nianarana
mba tsy ho latsaka an-daharana.
Mankasitraka ny mpanoratra fa tsara be.
hjravs
(
26/09/2016 13:57)
Azafady fa diso fipetraka 'lay fanehoan-kevitra, tokony tany amin'lay hoe "Namerin-desona izy" izy io.
harylovah
(
26/09/2016 15:26)
Misaotra, namana , nahafoy fotoana namaky e! Mankasitraka indrindra!
hery
(
29/09/2016 18:23)
Tsara fiafara sa fiononana? 😊
harylovah
(
05/10/2016 11:34)
Azo lazaina koa hoe fiononana e, Mankasitraka !
