HIEZAKA AHO (JORO)

Hozakaiko 'zany anjara
Na ho ratsy na ho tsara
Holanjaiko ampitsikiana
'Zany ziogam-pahoriana

Hiaretako ny jaly
Amin'ny fo falifaly
Hosotroiko ny kapoaka
Hiafiko tsy an-kitsoaka

Dia koboniko ho ahy irery
Ka hositraniko ny fery
Ka na mafaitra na mangidy
Hotontosaiko rehefa adidy

Ka any taona any
Mbola hisava ny aizim-be
Ka ho foana ny tomany
Hody fifaliam-be
JORO
--------