fitia sy ny taona.. (kanto sarobidy)

Mbola tsisy niantsa

Hangataka antsa
(Nalaina tao amin'ny vetso.serasera.org)
Nitsirim-pitiavana iray voarara..
Lazaina tsy mendrika fa maramara..
Nosomparan'ny saina tsy nihevitra akory
hoe ny FO tena tia raha voafefy dia ory

Ambara tsy miendrika fa voadidy
Sakanana mafy mba tsy hanan-tsafidy
Satria eh, FO tapany ekena fa kely
Kanefa matsiro tsy ilaozan-tantely..

Moa ve ny taona mandrefy fitiavana
No lasa ahiahy ka manetry fandavana
Sa ve ny taona no enti-mandrefy?
ty fo sy ny saina izay tia tsy ho voafefy..

kanefa...

Tsarovy fa efa nomeko ireo valiny
tam-po, am-pitia tsy ilaina takalony
Avereno ny saina sy fo fa fotoana..
Fa tsy misy fitia ka voafetran'ny taona..
--------
Rohy:
Sokajy : fiainana - Fitiavana
1000 3
Hametraka hevitra
Midira aloha
Momba ny tononkalo
Mpanoratra : kanto sarobidy
Nampiditra : kanto01
Daty : 24/10/2017 18:43
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0288