rehefa maty aho.. (kanto sarobidy)

Mbola tsisy niantsa

Hangataka antsa
(Nalaina tao amin'ny vetso.serasera.org)
Raha hoavy ny andro,ialako ity tany
K'ilevin-tsy hifoha hoan'ny mandrakizay
Dia ireo kalo vetsoiko manako any ho any
Hampangina ny maso tomany hatrizay

Asio voninkazo eo andohan'ny fasako
Ho marika iray mba tsy hanadinoina
F'ireo dina natao dia hitoetra tsy ho lasako
Ka tsaroina eny foana sy kolokoloina

Raha hisy andro iray hatsiarovanao ahy
Dia aza mitomany na koa mitoloko
Fa raiso ireo kalo novetsoiko am-panahy
handrotsy ny fonao hiampita amin'ny foko

Mety hisy ampanembona ireo kalokalo
Tsarotsaroina ireo feoko milanto
Nampierika indray ka nampiaiky mpandalo
Ny tonon'ireo tononkaloko kanto

Izao no tsarovy ary aza misy adinoina
Tsy lavitra aho ,tsy ho aiza tsy akory
Ka bitsio ao am-po re raha tinao antsoina
'''Fa tsy maty aho akory fa mbola matory...'''
--------
Rohy:
Sokajy : Fahafatesana - ahy
1388 1
Hametraka hevitra
Midira aloha
Momba ny tononkalo
Mpanoratra : kanto sarobidy
Nampiditra : kanto01
Daty : 02/11/2017 19:36
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0101