Ry foko onony (Kelifara)

RY FOKO ONONY

Onony, onony
Aho tsy hieritreritra
‘rony lasana irony
‘zay be betrobetroka
Onony ry foko
F’andrao dia misoko

Raha sendra tsy tanty
Fa mametsovetso
Lasan-ko azy
Mba hanefosefo,
Onony fa sao…
Handrotika anao

Fa raha tena tsy mety
Mitady ho tamàna
Na efa miely
Ka sarotra alàna
Aza mihantra
Fa io no handratra

‘Zay sisa sy kely
Na amby tavela,
Raha mbola mamely
Aza andrasana ela
Ireny no ankaso
Ka tonga dia roaso !

KELPHARE le11-10-02-Soamanandrariny
--------