TSY MAINTSY HISY (MAMY LALAINA)
Mbola tsisy niantsa
(Nalaina tao amin'ny vetso.serasera.org)
Raha mbola misy ihanydahalo iray voasambotra
kanefa tsy migadra
dia tsy maintsy hisy hatrany
ny asa ratsy mahatsiravina
horohoro,dradradradra.
Raha mbola misy ihany
marina voavidy vola
eto anivon'ny tontolo
dia tsy maintsy hisy hatrany
fanosena ny madinika
tena mampitsangam-bolo.
Raha mbola misy ihany
voan-drongony iray
mitsimoka any ho any
dia tsy maintsy mbola hisy
olona iray
hivelona amin'izany.
MAMY LALAINA (20/01/03)
(Rarivato-jona 2003)
--------
Rohy: