You are here: home > Vetso

TSINGERINTAONA - MANDIMBY

Azo vakiana?


Moa ny mofomamy ihany
Fy kanefa mora lany
Na koa lamba mety rovitra
Sy kiraro haingon-tongotra
Sa hoe ravaka marevaka
'zay ho verin'ny tandrevaka
Na voninkazo am-pehezana
No mendrika ho fanomezana?

Tsia, fa ao koa ny teny
Tsy ambaka azy ireny
Ampy koa ny diam-penina
Mba hamoahana an-tsipelina
ny tian-kambara na tenenina

Ndeha fohaziko eto indray
'reo fomba nety fahizay
'reo ranombavaka tsy tola
'reo fafirano fahagola
Ho mamy ianao, ho tian'ny vola
Ho miran-dava, faly anaty
Hangidy lavitry ny faty
Ho heniky ny soa sy tsara
Tsy hilaoza-mananjara
Dia ho tretrika eny foana
Ho lava andro, ho voky taona

ireo ny tolotro hifalio
Fa fetinao ny andro anio
Tsy mba hanim-pitoloha
Fa antsa teraky ny fo

Sokajy : Fety

Hevitra mandeha

Mysento (10/09/2009 10:43:23)

Tsara tena tsara!!!

Mombamomba

Mpanoratra : MANDIMBY

Nampiditra : makouto
Daty : 08/09/2009
Mpamangy : 5039
Mankafy : 2

Tononkalo hafa

tu es militaire