AN-DALANA - Myh'Andry

Azo vakiana?

Madivadiva ho ritra ny ranomaso etoana
Sento sy toloko,  madiva tsy ho tsaroana
Manomboka manolatra ny fery izay anaty
Ilay saina nalahelo, toa tsapa ho miha-mafy

Kely angamba sisa dia ho tonga ilay maraina,
Ka hirehitra ao anaty ilay afo nandrandraina
Ilay nikelezana aina, nandrasana hatry ny ela
Mba handoro irony tsiaro, potipotika tavela.

Fa an-dalam-pandrosoana ilay fo voaratraratra
An-dalam-panotofana mba handevina ireo lasa
An-dalam-piadiana te handrava ny haizim-pito
Efa an-dalam-pivoarana, hibanjina ny ampitso.



Myh'Andry
2 Febroary 2022

Mombamomba

Mpanoratra : Myh'Andry

Nampiditra : MyhAndry
Daty : 03/02/2022
Mpamangy : 189
Mankafy : 2

Tononkalo hafa

HITSO-DRANO AZY AHO Raha
Avelao aho ho any
VINANY ADALADALA
VONINKAZO SOA (Ho an'i Neny)
SAINGY EFA LASANAO...!
Niova izy
LAZAO IZY FA.....
HANGINA AHO!
ATAOVY FANTANY
HAFA MIHITSY