Hanina zava-tsy fantatra - N'Aina

Azo vakiana?

Ny alina tony dia tony
Ny volana tsara fitranga
Ny kintana iretsy sy irony,
Ny sofiko kosa ka ranga...

Ny taratr'Ivolana alefany
Isafosafoiny izay tràny
Ny foko indray kosa kanefany
Midoboka, hamaky ny tratrany

Ny raho-manembana tsisy
Ny lanitra mainty malefaka
Ny sentoko anefa indrisy,
Manimba ny Edena napetraka

Ny ora mikisaka mora
Tsy re ny fisosany akory
Ny biby tsy misy miakora
Ny saiko anefa oriory

Ny angely misioka, mandrisika
Ny voron'ny lolo mihantsa
Ny masoko vao mainka ditsoka
Tomany tsy misy mpandatsa

F'alahelo misiska anaty
Tsy fanta-tsy re fihaviana
Tsy alahelo ny havana maty
Tsy embona olona tiana

Tsy senton'ny nofy sondriana
Tsy angeson'ny be haitraitra
Tsy angotin'ny be faniriana
tsy hantan'ny tsy mba maharitra...

Fa hanina miakatra, ...miakatra...
Hanina ZAVA-TSY FANTATRA

1981

Hametraka hevitra

Midira aloha

Mombamomba

Mpanoratra : N'Aina

Nampiditra : zokinantitra
Daty : 27/02/2018
Mpamangy : 432
Mankafy : 0

Tononkalo hafa

Rahavavin'ny fanahiko
TONGA LAFATRA
Hymne et hommage ....(Ao...)
Mamiko
Takarivan'Ivola
LOHATAONA
TIAKO IANAO RAMALAGASY
AMBOHITSAINA (Ankatso)
NY TENY GASIKO
Namako sy RAHALAHIKO