Misy fotoana (Ny Ako)
Pas encore lu
(Nalaina tao amin'ny vetso.serasera.org)
Misy fotoana aho manembona foanaIreo lasantsika tsy haiko adinoina
Dia misy fotoana aho lasa misaona
Ny anaranao no ventsoventsoina
Misy fotoana aho maniry mafy
Hihaona aminao ilay tiako fahiny
Dia misy fotoana aho te hian-tsampy
Kanefa izy iny efa tojo ny tiany
Misy fotoana aho latsa-tomany
Toa te hiverina iaina amin'ny lasa
Dia misy fotoana mijery ny sary
Tsy mety sitran'ilay fo maratra
Saingy amin'izao aho tojo tiako
Miaina finaritra tsisy halahelo
Dia izy indray no antom-pisiako
Hifampizarako ny tsiambaratelo
Ny Ako 16/04/2025
--------
Lien:
Catégorie :
Fitiavana