Ireto maso (Ny helo)

Ireto maso,mifono fitia
Tsapanao ve sa tsia....?
Ireto maso,mifono fitia
Ho anao ho doria

Ireto maso,adala
Aza asiana tombo sy hala
Ireto maso,adala
Ho anao irery ry malala

Ireto maso,manganohano
Tia anao ka mangoraka
Ireto maso,manganohano
Mitory fitia ho anao ankolaka

Ireto maso,mipitrapitra
Sokafy ny fonao mba hitia
Ireto maso,mipitrapitra
Ny foko ho anao ho doria
--------