METEZA HO FANASINA (Ny_Vetso)

METEZA HO FANASINA!
Ho fanasina hanamasina ny tontolo manodidina ny fisiantsika sy ianao.
Ho mamy sira sy hampatsiro,
Hampandroso ny Nosintsika ary hitondra loko vaovao.

Fanasina hanova tsiro, hanome tsiro ny fiainana;
Hanazava sy hitsilo,
Ka hiara-mientana isika, hisorohana tanteraka ireo karazam-pahalainana.

Tsy hisy hahasira antsika, raha izaho sy ianao izay fanasina indray no hanatsatso sy hampifendro,
Na hanakivy sy handetika ary hanavesatra matetika amin’ny teny maharary.
Tsy hanosika ny hafa an-kolaka na an-karihary.
Fa aoka ho tena ilay fanasina e!

Ka ny tarigetrantsika?

Fanasina aho, fanasina izy!
Ny tanora, ny lehibe, eny hatramin’ny ankizy.
Ho fanasina avokoa isika rehetra tsy an-kanavaka,
Hifampikolo, hifanabe, hifampitolona am-bavaka.
Ary ho fitaratra hitarafana!
Hanova ny endrika ho tsara…
Handroso, anie, I Gasikara.

Asa soratr’i NY VETSO
(12 Novambra 2013 tamin’ny 10 ora alina, nasiam-panovana androany 22. 06. 2024)
--------