NENINA (Omegà Ratojo)
Mbola tsisy niantsa
(Nalaina tao amin'ny vetso.serasera.org)
NENINAKalokalo ivaiva
Kalo mahonena sady kalon’olon-dresy
Tao anaty takariva,
No hany kalokalo niarahanay niventy
Sarim-pony sy ny foko
Norohizan-jana-tsipika hitambatra ho iray,
Natao sary peta-toko …
No hany mba nandravaka ny pejy vitanay
Ka injao badenina
Ato anaty zavozavon’ny ririnina mahangoly
Ny eritreritra manenina ;
Fa niaraka ihany isika saingy tsy nisangy akory
Niaraka ihany isika
Saingy matin-kambo sy nitompo teny hoe : « Tiavina »
Ka izao fa mangatsiaka
Vao tonga saina hoe : Aleo ianao tadiavina !
Omegà Ratojo
--------
Rohy:
Sokajy :
Fitiavana