Ry tiako... (rahhar)

Eny,ianao ry tiana
Ianao tokoa no fifaliana
Ka na mangidy na mamy
Ny foko mitempo ho anao hatrany.

Eny,ianao ry malala
Ianao ilay tsy manantsahala
Ka na ho mora na ho sarotra
Ny foko efa lasanao tsy misy adi-varotra.

Eny,ianao ry ilay tokako
No efa mahalala ny otako
Sy ny rehetra aty amiko
Eny,efa azonao avokoa ny mamiko.

Eny,ianao ry tiako
No mba hany izarako ny hafaliako
Ianao no mba hitarainako
Amin'izay manjo ahy @fiainako.

Eny,ianao ilay tsy mandao
Fa manohana ahy amin'izay atao
Na mafy io na mora
Ny antsika miaraka sotroina.
--------