Malemy (Riankalo)

Eny,malemy
Mitoetra ho alokao fa tsy sahy mamoaka teny
Na lala-mikodàna
Tsy sahiko banjinina ny masonao mazàna

Matetika tomany
Mahita anao voarombaka amin'ny antso sesilany
Fa dia tsy sahy mandroso
D'aleoko aloha mijanona ho tia an-tsokosoko

Asa hoe nahoana?
F'ianao no anoloana dia mangovitra sy moana
Mangenahena fatratra
Efa te hamboraka fitia toa ankamantatra

Fa eny,malemy
F'hatramin'izao ny foko manjohy anao ombieny
Tsy nahaloaka akory
Ianao ilay isan-kalina tsy hahitako tory

Riankalo T.
--------