You are here: home > Vetso

NY FIAINAKO - Riantsoa

Azo vakiana?

Ny fianako dia jaly hatrany
isan'andro dia feno tomany
Izany ny miaina eto an-tany
Lanjaiko fa anjarako izany

Tsy mba hafaliana fa fijaliana
no mameno io fiainako io
Izany ka tsy maintsy ihafina
Zakaiko ny omaky sy anio

Ny fiainako dia feno alahelo
ranomaso toloko tsy tana
Rafahatrana no mamelovelo
mitapody ka sarotra ialana

Ity tenako kely dia manana adidy
fahoriana tsy roaman-tany
Nosoparan'ireo tsy masi-mandidy
Iaretako fa io ilay hoe:fiaianana izany

Sokajy : Ahiahy, Fiainana

Hevitra mandeha

mbola (16/01/2006 15:28:09)

olona resim-piainana;kivikivy

mbola (16/01/2006 15:28:23)

olona resim-piainana;kivikivy

vetsoko (17/01/2006 14:34:23)

mbola a! fadiao ny miteny hoe resin'ny fiainana fa misy fiainana mety mbola tsy nandramanao
Anio ianao no resy
rahampitso ianao hitrako
izay fahoriana vetivety
aza avela ho tompon-daka

...Tsoa

raozigasy (17/01/2006 22:36:39)

Mahereza fa ny fiainana dia kodiaran-tsarety ka miodinkodina

Aza kivy izany e ! efa nandalo teo aho ka izany no hanolorako anao ity andalan-tsoratra ity

Hinia tsy ho kivy aho
Na dia mavesatra
Sy feno sakasakana
Ny fiainana lalovana

Hinia tsy ho kivy aho
Na dia efa reraka
Sy tena valabalaka
Ana sy torovana

Hinia tsy ho kivy aho
Fa hanantena ihany
Hinia tsy ho kivy aho
Fa hanantena hatrany

rainstorm (23/10/2010 10:57:23)

Riantsoa

Hametraka hevitra

Midira aloha

Mombamomba

Mpanoratra : Riantsoa

Nampiditra : mbola
Daty : 16/01/2006
Mpamangy : 1434
Mankafy : 1