Adala ve aho...??? (Rkt Erimady)

Adala ve ny tena
Fa manoratra ho an'ny maty?
Dia hoe:tsisy fahendrena
Mandanilany taratasy

Adala ve ny tena
Raha mitsiahy ilay tadidy
Ka handeha hosena
Ilay raki-tsarobidy

Sarobidy ny tantarako
sy iny havako iny
Ka alao baraka ny anarako
Sanatria... tsisy tsiny

Aleo ho adalako
sy ho fahafaham-barakako
Eny e!!!vonoy aho ho faty
Fa aza akombonao ny vavako

Aleo ny ventsoko
Ho rangotiko ho tantara
'Zay mba ganta ventsom-poko
Ka ho fantatr'ireo Fara

Rkt Erimady
--------