... (S. V. ANDRIAZANANONY)

...

- "Ary raha miverina izy
indray andro any
dia ahoana no ho lazaiko
ary koa ho tantaraiko ?

- "Ambarao ka lazao
fa miandry azy aho hatrany
na maraina na hariva
mandram-pialam-pofonaiko...

- "Ary raha mamakafaka
na manao teny tsy tsaroana
ka manjary mpivahiny
tsy mba fantam-piavina ?

- "Ianao anie no havany
eny, solon'anabaviny
hanasitrana ny fony
sy ny ratram-paoriany.

- "Raha tsahiany tsy miato
ny toera-misy anao
ka tadiaviny aleha
dia ahoana no atao ?

- "Ity ny pera-bolamena
atolory mba ho azy
dia ho fantany avy hatrany
fa efa montsana ny vazy.
--------