SISA... (Tiary Njava)

SISA...

Asa raha tadidinao
''Ranomaso iray nijohy''
Fony isika hifandao
Fa tantara tsy hitohy.

Moa mbola an-tsainao ao
"Fo nifidy ho tena tia"
Eny mbola hatramin'izao
Dia miandrandra ilay Doria.

Moa...mbola tsaroanao tsara
''Fo iray izay torotoro"
Dia nezahin'ny anjara
mba harodana hikoro.

Tsy haiko ianao na hino
Fa ny foko sy ny saiko
Dia tsy hahavita hanadino
ilay olona lalaiko.

Tsy mba haiko ho hadinoina
Ilay tantaratsika roa;
Ao anaty tsy hay vonoina
fa...injao mifantsika ao am-po
sy ao anatiko rehetra.
Ho diary tsy hanam-petra.

Tiary Njava[22-03-2018]
--------