You are here: home > Vetso

Ikala jejo - vazivazy

Jejo ery ilay madama
toa mangirana malama
manao izay mampiomehy
feno menaka tarehy

dia akifika ny volo
fa hoe tsara kolokolo
ovaina kely ny filatrony
ny kiraro no akatrony

Jejo ery hono i kala
ho an'ireo tsy mahalala
ka manao izay tena mety
mampidera salopety

mampiseho hoe mitsitsy
na mafana na mangitsy
mitafy lamba fohy loatra
akanjo mampitranga foitra

Jejo ery ilay sipa kely
fa mihevitra ho anjely
dia manao izay mahasarika
mitsiky nefa toa mangarika

ka aleo aloha bataiko
ilay lasopy nafanaiko
sao variana manakiana
ilay sipa mahasondriana




Sokajy : vazivazy

Hevitra mandeha

vatolampy3 (26/11/2009 04:58:59)

sakafo foana an. vatolampy3

Mombamomba

Mpanoratra : vazivazy

Nampiditra : razokilah
Daty : 24/11/2009
Mpamangy : 4496
Mankafy : 2

Tononkalo hafa

Teo antsena