Angamba tiako ianao (Volantsetroka)

Angamba....

Angamba tsy fantatrao,
Fa rehefa iny ianao mandalo
Dia misamboaravoara ny ao anatiko ao,
Toa te hiteny hoe andraso vetivety akia !

Tsy misy antony azoko hazavaina.
Tsy sahy miteny aho indraindray,
Fa matahotra sao ho tsotra loatra
Ny fomba hilazako fa manintona ahy ianao,

Ka aleoko mijery mangina,
Miafina ao ambadiky ny tsiky kely.
Rehefa hitako ianao mitsiky,
Dia tsy haiko fa lasa mitsiky koa aho,

Toy ny hoe misy fifandraisana miafina
Tsy mila teny fa tsapa fotsiny.
Indraindray aho mieritreritra hoe,
Ahoana raha mitovy ny tsapatsika?

Sa izaho irery no manoratra tantara
Ao anaty eritreritro
Nt momba antsika roa tsy mbola misy?
Fa na izany aza,

Tsy maninona raha miafina kely aloha,
Satria ny fijeriko anao isan’andro
Dia efa ampy hanazava
Ny androko manontolo.

Ka raha indray andro aho sahy,
Dia mety ho re amin’ny feoko mihitsy
Ilay teny izay efa ela
Nijanona tao am-poko hoe:

“Angamba… tiako ianao.” ❤️
--------