Lalan'ny fanahy (Volantsetroka)

Mandeha irery aho indraindray,
Anaty alina mangina tsy misy feo,
Ny eritreritro toy ny onja mikoriana,
Mitondra ahy any amin’ny tsy fantatra.

Ny foko tsy miteny, nefa mitaraina,
Mitady hazavana ao anaty aizina,
Fa ny fiainana tsy boky mora vakiana,
Fa tantara soratana amin’ny ranomaso sy hery.

Indraindray aho lavo, indraindray mijoro,
Toy ny hazo ahozongozon’ny rivotra,
Fa na ho potraka aza ny raviny,
Ny fakany mbola mitoetra, tsy kivy.

Tsy ny fahoriana no hamaritana ahy,
Fa ny herim-po ao anatiko lalina,
Satria ny alina no mampamiratra ny kintana,
Ary ny ratra no mampahery ny fanahy.

Koa raha reraka ianao, aza kivy,
Fa ao ambadik’izany ny fandresena,
Ny ranomaso anio dia ho tsiky rahampitso,
Ary ny tolona no mitondra ny fahombiazana.
--------