TSY HO AFA-MAINA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
TSY HO AFA-MAINATsy ho afa-maina
ny mpanambaka
tsy hay tanisaina
sy mahazo laka.
Tsy ho afa-maina
ny mpanao ratsy,
na tsy mangaina
sy manam-batsy.
Tsy ho afa-maina
ny mpamitapitaka,
na hita fa miaina
sy toa mibitaka.
Tsy ho afa-maina
ny mpangala-bola,
na tsy lazalazaina
fa farany ho tola.
Fredy JAOFERA
--------
Rohy:
