KIBO NITOERAKO (Fredy Jaofera)
Mbola tsisy niantsa
(Nalaina tao amin'ny vetso.serasera.org)
KIBO NITOERAKOIzy no kibo nitoerako
efa lasa any an-koatra
mamoha 'reto fitserako
sy ny ora tsy hivoatra.
Izy no kibo nitoerako
nantenaina aok'izany
mihazo ny fiheverako
ka mampisy tomany.
Izy no kibo nitoerako
tadiavina eto samirery
ilaina mba hanaperako
'reo sento mila hamery.
Izy no kibo nitoerako
manilo ny lalako ery ;
indro fa tsy hoferako
ny vazo be mpankafy.
Fredy JAOFERA
--------
Rohy:
