You are here: home > Vetso

NY MARINA - Lova miar'shu

Mbola mety hiseho,
ka hanjaka re ny marina.
Hahafahan'ny olona maneho,
ny tiany sainy ho takarina.
          Mbola hitondra hazavana,
          hampitsiky zany androny.
          Manome ilay hafanana,
          mampibaliaka ny masoandrony.
Mbola hipoitra tsikelikely,
handrakotra ny tany.
Tsy ho lefy velively,
ilay marina androany.
           Mbola handresy izay ratsy,
           hanafoana ny herisetra.
           Hanohitra ny herintsandry,
           ary koa ireo amboletra.
Mbola hanenika ny tontolo,
na dia saro-tadiavina,
ka na ovaina na ho asolo,
dia tokana ihany :ny marina.
           Mbola ho tonga ny fotoana,
           hilazana ny marina rehetra.
           Hampiteny ireo moana,
           voafefy,tamin'ny andro voafetra.
          Ka ny marina dia marina,
          fa ny ratsy tsy ho tafarina.

Hametraka hevitra

Midira aloha