You are here: home > Vetso

Miserana ihany - Miantsa Fitia

Jereo ny hankanton'ny raozy mamony
sy ny fofony manitra zay mampitony
fa toy ny tsy ho lo manadrakizay
kinanjo nilofika mora dia izay

Jereo ny hankanton'ny lanitra ambony
miadana ery izy fa hoe eny ambony
kanefa seranan'ilay raho-mainty
de rava ilay endriny soa sy mirenty

Jereo ny hanakanton'ny vorona an'ala
mihira mifaly fa toa tsy mahalala
lay oram-baventy ,mikija,manimba
ity ankaniny zay tsara rindra

mba topazo maso ny rano an'ony
misoka miadana tony de tony
kanefa raha sendra ny hantsana lalina
midaboka mafy sy toa fanimpanina

tazano ny ankanin'idada fahiny
tsara aok'izany ny nanaovany an'iny
ankehitriny de rindrina sisa
haolo de haolo tsy misy mpandika

Diniho ireto olona mandeha mankany
mihira,mifaly de hoe sambatra izany
kanefa raha tonga izay hiafarany
ny hany anjarany de fasana ihany

Koa ry olo-mandalo re mba tsinjovy
ny fiaianana an-koatra re mba tsilovy
f'aza variana @eto an-tany
zay toy ny tselatra miserana ihany

Sokajy : Fiainana

Mombamomba

Mpanoratra : Miantsa Fitia

Nampiditra : Condor
Daty : 27/04/2008
Mpamangy : 592
Mankafy : 0
Ankafizo Azo vakiana?

Tononkalo hafa

Na dia izany aza
Nahoana kay?
Ao am-poko lalina ao

Hevitra mandeha

pissoa (29/04/2008 23:34:17)

Kanto dia kanto.

Hametraka hevitra

Midira aloha