Commentaire sur Bana Rahalahy

pikatti ( 06/11/2009 01:58)

POAK ’ ATY
mercredi 13 novembre 2002


Jerena avy any aoriana
Ntsô ! mahasondriana
Jerena avy ao aloha
Dia kanto be tokoa !

Jerena avy ankavia
Tena maha-te ho tia
Jerena avy ankavanana
Ekena : vitsi-panana .

Jerena misompirana
Mandainga ’zay tsy kirana !
Jerena avy any ambany
Oadray ’zany hatsarany !
Jerena avy ao ambony
Dia tena tsy haiko intsony.

Na bika na tarehy
Dia tena tsara be
Mahafatifaty ...
Saingy indro kely mantsy :
Ankoso-bolamena
Mamiratra jerena
Fa ny ao anaty
Indrisy fa poak’aty ...

Ny vazaha taratasy
Tsy misy maharatsy
Raha voatana ao anaty
’Lay maha-malagasy .

Izay no tsetsatsetsa
Tsindrom-paingotra kanefa
Tsy aritra dia alefa ...
Asa raha hiantefa ?

Bana Rahalahy - Novambra 2002

maeva74 ( 06/11/2009 12:46)

Mahavariana ity tonokalo e! Mahay mandinika ny mpanoratra, izay ilay hoe amboadia mitafy zanak'ondry