Fitiavana roa sosona (Andriananjariana Pierre Charles)
Pas encore lu
(Nalaina tao amin'ny vetso.serasera.org)
Fitiavana roa sosona.1
Firehan'ny fo amin'Andriamanitra
Fanomezana avy any an-danitra
Ilay soa indrindra,mendrika tokoa
Tiko mihoatry ny hitan'ny maso roa
2
Fo marina no entiko mitia azy
Ialako ny fahotana sao voasazy
Fahasoavana hatrany hatrany
No takalon'izany hatreto an-tany
3
Izy no tsy afaka ao an-tsaina
Tsaroako matetika isa-maraina
Te-ho tompon'ny foko samirery
Anankinako ny Fanahiko tsy ho very
4
Ny fitiava-namana toy ny tena
Na mahafaly,na mahasorena
Aoka hiaiky ao ampo fa mpanompo
Ka manao 'zay mahafaly ny Tompo.
5
Fitiavana tsy manavak'olona
Na firazanana,fiaviana voatonona
Nefa misy voalohany sy farany
Satria mbola misy ny filaharany.
--------
Lien:
Catégorie :
Fitiavana
Commentaires
033039165
(
14/03/2024 12:08)
Misy didy tena tsara ao,dinam-pitiavana,'zay tian'Andriamanitra hosokirina ao am-pontsika ao.Ampanjakao isan-toka-trano io lalàna fototra avy amin'Andriamanitra io.Ny didy folo izay misampana roa.
033039165
(
14/03/2024 12:13)
Misy didy tena tsara ao,dinam-pitiavana,'zay tian'Andriamanitra hosokirina ao am-pontsika ao.Ampanjakao isan-toka-trano io lalàna fototra avy amin'Andriamanitra io.Ny didy folo izay misampana roa:
1-Ny firehan'ny fo amin'Andriamanitra.
2-Ny firehan'ny fo amin'ny namana.
1-Ny firehan'ny fo amin'Andriamanitra.
2-Ny firehan'ny fo amin'ny namana.
033039165
(
14/03/2024 12:28)
Sokajy marsa 2024
hery
(
14/03/2024 18:31)
Hitanao ilay sokajy nofidinao hoe Fitiavana io. Eo ambanin'ireo safidy ireo misy hoe Sokajy hafa dia soraty eo ny Marsa 2024 fa tsy eto amin'ny hevitra