" Ny hazo maniry Ny (Doloïer )

" Ny hazo maniry
Ny tany ijoroany manjary Edena !
Kanefa mba firy
Ny vony maharitra mba hojerena"
Ny Avana 1924
Tao @ Ahoana, ry Foko !

NATAOKO TSY HIOVA

Nataoko tsy hiova
Ireny minitra niharana nikalo
Kanefa tsarova
Ny omaly sy anio de zava-mandalo

Ny tara-masoandro
Tsara fiposaka amin'andro maraina
Fa raha folaka ny andro
Toa raozy malazo, tsy manam-pofona'aina

Ny rivotra anio
Rivo-malemy nialako sasatra
Nefa nivadika tadio
Ilay fahasambarana nataoko fa lafatra

Mielana ihany
Ny zavatra mamy, ny Soa,mafinaritra
Raha mbola eto antany
Tsy misy fahasambarana maharitra....


Ka hevero ihany..
Izay fotoana hifalifaliana sy andrarana tomany..

Doloïer
15/03/2018
--------