TAFATOETRA ILAY FITIAVANA (Fo mitempo)

Nihazakazaka ny fony, nanenjika etsy sy eroa;
Novonjeny avokoa ireo fitia nitodika aminy;
'Zay nitopazan'ny fijeriny ka nahafinaritra ny masony
Dia nitoriany fitiavana satria nampisy fihetseam-po.

Nizarazara tamin'ny fo maro teny ny fitia tao anatiny
Notsetsafiny, nangoniny avokoa ireo mamy nandalovana
Nandehandeha tokoa ilay fony, nivenjivenjy ny fitiavany
Na ny ankavia na ny ankavanana tsy nisy tsy nataony ho namana.

Injay raha nifanojo taminao fa solafaka ny fony
Resy babo teo ilay fitiavana ka nivalona ho tokana
Tsy naha vezivezy intsony fa nitoetra ho anao manokana.

F'ilay fitsikinao sy 'lay endrikao no najary lalan-tokana
Nizoran'ireo fiheteam-pony,niantefan'ny fitiavany,
Ka tafatoetra ho an'olo-tokana ilay fo nisampantsampana.
--------