Mianatra mitia (harylovah)

Tsy resaky ny fo, na vitan'ny hoe babo;
Tsy 'zany fotsiny ihany ny resaka fitia
Fa toy ny Kapiteny miondrana eny an-tsambo
'Zay miatrika ny anio dia mitsinjo koa ny dia

Taitra ianao androany, sinariky ny masony;
Babon'ny fibikany, niaritra ny andrasony...
Toa midika izany fa tena tia ianao,
Kanefa hatrany hatrany dia mila mihavao.

Izao no azo atao raha te hahita fy:
Mahay mifehy ny fo dia mianatra mitia...
Angamba hoy ianao hoe "mandeha ho azy izany!"

Nateraka isika , zaza vao lehibe
Izany tsy midika fa tonga dia mandeha
Fianarana ny fiainana, tsinjovy ny hiafarany...

Harylovah 110611
--------