Fitia ao anaty (HERITAGE)

Hery tena hafa mihitsy
Mampangorintsina mangina
Tsy mitamby tsy mitsitsy
Ny fitiavana olon-tiana

Herin'aratra mamely
Miparitak' izay azony
Tsy azo antsaina velively
Mankarary izany tazony

Fa hasambaran-tsy hita lany
Misonenika izay tratrany
Toy ny tsy ety an-tany
Tsy voalanjanao ny fatrany

Na ny adala aza sitrana
ka ny sitrana lasa adala
Ny voazaitra tata-bintrana
Ireny bokotra mialaala

Toa Mila tsy ho tanty
Ny fitia rehefa ao anaty...

HERITAGE
--------