AZA TSINY (Koloina)

Aza tsiny

Ialako tsiny indrindra raha toa ka lasa latsa-paka
Mandoro ny ao anatiko
Ary maka toerana sy miha-mahazo laka
Ilay fitiavako anao tsy mbola nolazaiko

Manaiky aho hoe vehivavy fanaka malemy
Mety tsy anjarako ny misafidy izay olona hiara-dàlana amiko
Fa raha resaka fitiavana dia avelao aho mba hiteny
Avelao aho hanambara na aza homenao tsiny

Ts'izany mantsy fa manintona ahy loatra
Ny endrikao sariaka, ny vatana ranjanana
Ilay mody mampiresaka, miaraka amin'ny akanjo tsara voatra
Na ho tsiny na ho fondro, ny fitiavako anao efa tsy hay tohanana

Aza tsiny indrindra raha tsy mahalala fomba
Fa na izaho aza izao vao mino hoe rehefa tia adala
Ka tsy maintsy aho hisisika ny hahalala ny mombamomba
Sy izay rehetra mahakasika an'ialahy

16 -04 -2026
--------