ANJARA (Miothyfifaliana)

raha tojo ny mafy tsy laitram-panidy
tandremo mihafy fa hoe vita hidy
fa miezaha hioitra hiarina amin'izany
manàna fanoitra atsaharo ny tomany

ekena tokoa fa izany no anjara
nefa tsy mahasoa ny mianki-tarara
herezo ny finoana ary koa matokia
fa ny hery tsy ho foana na ho very sanatria

fa lalan-ko diavina izany anjara
tsy sanatriavina na ratsy na tsara
koa dia mionona raha tsy afaka hiady
tandremo sao hirona handrongam-bavahady
--------