Commentaire à propos de Ry Fahatsiarovako

hasiniony ( 10/04/2013 17:49)

Eto
… Eto ampitan’hantsana eto
… safo-morona ny vetso
Ny rivotra avy nanatopa
ny eritreritra hisavika
ny eny ambony rahona eny
Hikaroka ny sentonao, 'zay no tena faniriako

Ianao
…teny ampitan’hantsana eny
… nanosaka ny hetaheta
hanondrahana ny afo
nandoro alohan’ny hirehetany
Izaho…na dia mba nikasa hamindro
Ny hantsana tsy taka-bikina
…naleoko nody sasak’alina
nanarak’aloky ny haizina

Androany
… nosarihan’ny onja miafina

nisingana avy taminao
ka tongatonga foana etoana
Eto ampitan’hantsana eto
…Safo-morona ny vetso
Handrafitra amin’ny fofon’aiko
tetezan-drivotra hiampitako
fa tsy laitrako ny eto
eto ampitan’hantsana eto

Nefa aiza akory ianao?
…Tsy intsony ampitan’hantsana eny.
"Ka indro izaho sy ny fitiavako,
manainga hitady anao hatraiza"

Njarakelly ( 12/04/2013 12:34)

Hasiniony //tsara!!!!!