Ry Malagasy (nomena)

Ry Malagasy
Tomany, kiakiaka, hanoanana
no heno raha vao resahina
ity tanànan'ny Malagasy
tena mampangasiasy
Fahantrana mibahan-toerana
Ny alahelo be miserana
Fanontaniana no mipetraka
Hadalana sa hetraketraka?
Mila tonga saina isika
na matsatso na masiaka
ity fiainana ity
koa diniho àry ity
Ahoreno ny hazon-damosina
Fa aza miandry foana
Ny hotoloram-potsiny
"FA NY EZAKA VITANAO OMALY
MBOLA HIVAINGANA INDRAY ANDRO ANY"
--------