MENDRIKA (Kezia Ravanomanda)
(Nalaina tao amin'ny vetso.serasera.org)
R'ilay teny ankiray, sarobidy ianao ry tenikoTeny mamiko tokoa, eny mamy toy ilay reniko
Lovan-drazana tavela, razana izay nipoirana ;
Raha ny fanononana azy, toa tsy dia manahirana.
Voafono anatinao: fahendrena tena lalina;
Mampiavaka vahoaka iray, miara-monina anatin'izay nosy izay;
voarakitra anatinao : sangisangy, vazivazy ;
Fifankaherezana andro sy alina, fifananarana am-pitiavana,
Fifanajàna, mahatamàna!
Zovy moa ianao ry teny, izay tiaviko etoana?
Heno hatrany ombieny ombieny, tonga ao an-tsaina foana;
ifandraisanay vahoaka, na am-bava na an-taratasy;
Tsy iza fa ianao ihany ry ilay teny Malagasy.
R'ilay teny ankiray, sarobidy ianao ry teniko;
Teny mamiko tokoa , eny mamy toy ilay reniko;
Ny hanandratra ny hasinao no tanjoko anio izao ;
Hanely koa raha azo hatao, izato fahamendrehanao.
RAVANOMANDA Harivolatiana Kezia
Nahazo ny loka voalohany "Fanandratana ny hasin'ny teny Malagasy" Sekoly ambony FJKM Ambohidratrimo (1987)
Novaina ny andalana faha-2 fa very ny tahiry ka hadino.
--------
Lien:
Catégorie :
Kolontsaina
Commentaires
Oully
(
24/05/2006 18:21)
Tsara izany! hay ve mahay manoratra be ohatran'izao ty cousine-ko ity. Avy hatrany dé copie-coller ary amin'ilay site ary 😊.
Sao dé fanina nareo ry mpamaky fa pseudo 1 ihany no hifandimbiasanay roa eto.
Zany hoe i RAVANOMANDA Harivolatiana Kezia no nanoratra ity tononkalo ity fa tsy Oully tompona Pseudo akory an!
Sao dé fanina nareo ry mpamaky fa pseudo 1 ihany no hifandimbiasanay roa eto.
Zany hoe i RAVANOMANDA Harivolatiana Kezia no nanoratra ity tononkalo ity fa tsy Oully tompona Pseudo akory an!