VOAENDAKA SAHADY AHO... (R.A.Mario)
Pas encore lu
(Nalaina tao amin'ny vetso.serasera.org)
Voaendaka sahady aho …Voaendaka sahady aho omaly…
Voaroba ny fananako
Tsy milamina ny tany
Foana teo ny fahafahako
Fa tanora vitsivitsy
Manao fihavin’olon-dratsy
No nandroba tsy nitsitsy
Sahy mandrangaranga basy
Norohitiny tan-dàlana
Ilay sarobidy loatra
Voaroban’ny mpangalatra
Indro nentiny nitsoaka
Very ilay fanalahidy
Tokana mba handrosoana
Ilay tena lafo vidy
Tsy voasolo raha soloina
Eny hatramin’ilay mizàna
Fandanjàna tena marina
Tsy nasiany fanajàna
Noravàny tsy ho tafarina
Tsy nahoany kely akory
Na ny aina na ny rà
Fa ny vola no ambony
Fahefàna vao fanahy
Tolagaga izay nahita
Tankina tsy nahahetsika
Fa nandalo ny minitra
Maty paika koa ny tetika
Ny finoako sisa nody
Vavaka no notinafy
Dia nindramiko ny tody
Sy ny marina tsy maty.
R.A.M le 18 mars 2009
--------
Lien:
Catégorie :
Tanindrazana