Aretina sy fanafody (RASTAPHANAH)

Pas encore lu

Demander une lecture
(Nalaina tao amin'ny vetso.serasera.org)
Aretina

Voadonanao ny foko tamin’iny
Babonao ity foko tsy nana-tsiny
Ka tia anao aho ankehitriny
Tia anao aho ka dia miala tsiny

Satria tsy haiko raha tsikaritrao ?
Ireo fihetsiko manoloana anao
Lasa adala angamba ahy hoy ianao
Nefa ny fitiavana anao noho naha toy izao

Tsy haiko anefa raha mba misy fitia ?
Eny na dia sombiny aza ao am-pondry
Ambarao fa efa miandry ny aty
Mba hanasitra ilay aretim-pitia

Raha sanatria ilay fitia ka tsy misy
Tsy hanery anao aho fa dia indrisy
Hitady hafa aho sao mba misy
Ary manantena aho fa tena hisy

Fanafody

Fomba fiteny ny hoe handinika kely
Na izaho koa anie mba many irery
Ka indro re ny foko omeko anao
Ho anao irery ry malala ka hanjakao

Tsy noho ilay talao no anolorako fitia
Ilay bitsika mangina no nanosika ahy ho tia
Ka inty aho ho anao irery
Manana anao aho ka tsy mba ho very

Ilay nandratra ny fonao taloha avelao
Ny azy fitia mora loa, angamba kilalao
Ny antsika banjinina fa ho lavitra ny dia
Ny fiarahako aminao iriko ho doria
--------
Lien:
Catégorie : Fitiavana
797 1
Fans: Rastaphanah
Ajouter un commentaire
Veuillez vous connecter
A propos
Auteur : RASTAPHANAH
Inséré par : Rastaphanah
Date : 09/05/2017 16:55
Lectures

Pas encore lu

Demander une lecture Ajouter audio
© Eugene Heriniaina - serasera.org 1999 - 2024 - page load 0.0135