MITORY INONA? (Rayane tsiarofitia)

Jereo ange ny ratrany
'Zay mivesatra am-pony ao
Mitoreo izay izay tsy zakany
Malahelo noho ny tsy hamalianao

Jereo ny sentosentom-pony
Rehefa mahita anao ireny
Te-hamoaka izay kobonina
No te-hiantsampy hanome ilay teny

Fa raha tsapanao tokoa
Izato ratra mitambesatra
Ilay fitia ananako roa
Ilay fitia mila anao hiara-hivesatra.

Jereo ny endriny malazo
Tsapa fa mila mba hanatsara
Dia henoy ny kalo sy ny vazony
Fa miloam-pitia,mivolon-tara

Jereo ny fihetsiko aminao
Na ilay bika mitory 'lay fitia aza efa tonta
O! mba saino re! Ka valio na izao d'izao
Zato handrarezin'ny fitihiko efa konka.
--------