Ekeko (SouAnni)

Pas encore lu

Demander une lecture
(Nalaina tao amin'ny vetso.serasera.org)
Niova ny fiainako hatramin'ny nifanenako taminao
Niha-tsara ny tontoloko rehefa nahalala anao
Miha-faly hatrany ny foko fa eo anilako ianao
Feno fanantenana ny saiko noho ny fitiavanao

Zava-tsoa sesehena no natolotrao tsy misy fetra
Nampianarinao ny foko hankato sy hahay hitia
Toetra soa marobe no nampianarinao ahy
Ka fiainana hafakely no indro efa nomaninao

Tsy ny vola aman-karena hoy ianao no maha-sambatra
Fa ny fetezako hihaino sy hiaina zava-tsoa
Tsy ny fahaizana amam-pahalalana koa no ho ampy hahafaly
Fa ny fahaizako hianoka ao anaty hasambarana

Resy lahatra aho izao ny hanaraka ireo teninao
Ka ireo anatrao no indro hoentiko miaina
Ekeko ianao, ka ny lalanao no ho lalako, ny fiainanao no ho fiainako
Ekeko ianao, ka hanara-dia anao no tanjona ifaharako

Natolotrao ahy avokoa ireo lalana mahasoa
Nomenao ahy koa ny fahaiza-misafidy
Fitiavana miampy fahasoavana no indro arotsakao
Misaotra Tompo Jesoa, misaotra indrindra, misaotra betsaka tokoa

Sou'Anni
--------
Lien:
819 0
Ajouter un commentaire
Veuillez vous connecter
A propos
Auteur : SouAnni
Inséré par : SouAnni
Date : 09/08/2014 18:52
Lectures

Pas encore lu

Demander une lecture Ajouter audio
Autres poèmes
© Eugene Heriniaina - serasera.org 1999 - 2024 - page load 0.0143