AINGAM-PANAHY Ny aingam-p (TOKY)

AINGAM-PANAHY
Ny aingam-panahy
Manainga ahy moramora
Miakatra any an'habaka any
Toa tsy mety miato mihintsy
Fa miakatra avo hatrany
Ka indro ny hiafarany
Ahaingany ny tanako
Hanoratra izay ventsoin'ny tontolo
Ao anaty tononkalo;
Soratako satria
Ny teny anie mandalo
Fa ny soratra mitoetra
Ka dia miraikitra ao am-pon'ny olona rehetra

Dia ny aingam-panahy ihany
No manosika ahy hanoratra
Ny zava-misy hiainako
Na anaty ny tontolo
Nefa a!
Misy ihany ireo milaza nofinofy
Izay mampita fara-hafatra
Ka indraindray;
Mahatonga ireo olona
Hiaina tsisy romoromo

Dia mbola ny aingam-panahy
No hoentiko hamboraka izay mba faniriako
Any amin'ilay tiako


Toky Ivoara
--------